Charla Primeiros auxilios Xaneiro, Vigo 2018

O pasado 13 de xaneiro tivo lugar en Vigo unha nova edición da Charla de Primeiros Auxilios en Bebés e Crianzas. Fixémolo nas instalacións de Vigosónico xa que ten unha gran acollida.

Novamente contamos coa colaboración de Pepe Aguilera, enfermeiro do 061 de Galicia, excelente profesional, poñente pero sobre todo papá. Contounos as súas experiencias tanto a nivel persoal como os casos aos que ten que afrontar no seu día a día.

Pepe explicounos as diferencias entre atragantamento e afogamento e como actuar en cada caso. No segundo, temos sempre que comprobar se hai respiración e no caso de non habela ensinounos a facer unha RCP.

Resolveu dúbidas como que facer en caso de golpes na cabeza, feridas abertas, alerxias, queimaduras e nos casos de febre alta (neste punto tratouse se é bo alternar entre paracetamol e ibuprofeno).

Finalmente explicounos a diferencia entre emerxencia e urxencia para que saibamos cando debemos acudir a un centro de saúde e ou chamar ó 061 ou 112…

Todos os asistentes saímos moi contentos e sabendo un pouco mellor como actuar no caso de producirse un incidente, aínda que todos desexamos non vernos nunha situación así.

Obradoiro “Acompañando o destete”, xaneiro Vigo 2018

O pasado 27 de xaneiro reunimónos no local da Asociación de Novo Vigo en Navia para falar sobre o proceso de destete.

Se algo temos claro @s soci@s de Teta e Coliño, son os beneficios da lactancia materna dentro da nosa crianza. Sen embargo, a etapa do destete chega, máis tarde ou máis cedo, a todas as lactancias e, tanto ou mais que as anteriores etapas, esperta dúbidas nas crianzas, nas súas nais e pais. Cando será o mellor momento? Como debemos acompañalo? Quen debe tomar a decisión? Pódese facer un destete parcial?

A nosa asesora de lactancia e nai Antía López, compartiu cos alí asistentes explicacións e material para informarmos sobre os mellores recursos para realizar un destete o máis respetuoso posible, en funcións das necesidades de cada familia. Ademáis, falouse de situación que poder semellar un destete pero que non necesariamente o son, situacións que eu particularmente descoñecía. Tamén falamos de como afrontar momentos difíciles na lactancia, como son as dentadas ou os esperares nocturnos.

Outra información que compartimos foi a de como crear lembranzas desta etapa, tan bonita na vida dunha famiia, que no futuro agradeceremos ter.

Finalmente, tod@s @s asistentes compartimos as nosas necesidades, nosas experiencias e os nosos problemas nun ambiente no que puidemos atopar persoas que están pasando ou xa pasaron situacións similares.

Con todo isto, pechamos o obradoiro pensando en como levar á práctica todo o aprendido e adaptándoo a cada situación particular e sabendo que podereremos contar con moita xente que nos pode axudar con só pedilo.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
/* Estilos para menú plegable móvil Divi */ /* JS para menú plegable móvil Divi */